Лапорта влезе во соблекувалната по поразот на Барселона и им испрати порака на играчите и тренерот Чави (ВИДЕО)

Иако многумина ја потценија Барселона се покажа во добро светло на пресметката со Реал Мадрид во Супер Купот на Шпанија, битка во која каталонците двапати се враќаа, но паднаа во продолженијата во кои Феде Валверде стрелаше за конечни 3-2 за лидерот во Примера.

Секако во таборот на клубот од „Камп Ноу“ можат да бидат задоволни со некои аспекти од игра, поседот, темпото, но не и резултатот кој ги остави без можност да можат да се израдуваат на првиот трофеј во оваа кампања.

Сепак позитивната е оценка, па задоволен беше и претседателот Жоан Лапорта кој ги посети играчите и стручниот штаб по завршувањето на средбата и им испрати охрабрувачка порака.

-Сите сме горди, сите навивачи на Барселона. Повеќе од било кога. Пораките кои ги добиваме од Барселона, мечот што го одигравте каде истапивте, покажавте талент, гордост, се надминавте, бевте храбри. Можеме да бидеме горди.

-Како претседател и останатите членови на управата, сите навивачи на светот, сите сме горди што сме навивачи на Барселона. Ви благодарам на сите. Ова е патот, тренерот, стручниот штаб сите беа добри. Храброст, за малку ќе успеевме, ни фалеше само победа. Ама ако вака продолжиме сигурно ќе успееме. Би благодарам и Виска Барса. Горди сме, -истакна Лапорта.

❝ We’re very proud, this is the path ❞

— President @JoanLaportaFCB — pic.twitter.com/wt5etMZ8uG

— FC Barcelona (@FCBarcelona) January 13, 2022