Кузмановиќ: Интер може да ја освои ЛШ

Поранешниот српски репрезентативец, Здравко Кузмановиќ верува дека Интер го има потребниот квалитет за да ја освои Лигата на шампионите во оваа сезона.

Интер е актуелен италијански првак и Кузмановиќ смета дека актуелниот состав ќе биде сигурен во домашниот шампионат, а таа своја сила, карактер, способност и самодоверба може да му донесе и голем успех во елитното натпреварување.

-На Интер не му оди лошо во Серија А, но рано е. Добро му оди и во Лигата на шампионите. Тимот е силен и верувам дека на крајот ќе го освои шампионатот. Мислам дека ќе доминира во Серија А и дека на крајот повторно ќе биде пред сите.

-Зошто да не ја освои и титулата во ЛШ? Имаат силен и искусен тим со играчи кои се заедно долго време. За мене тие се меѓу фаворитите за освојување на Лигата на шампионите. Интер не смее да се чувствува инфериорен во однос на Манчестер Сити и Реал Мадрид. Одигра одлично против Сити и можеше да победи. Никогаш не треба да имате комплекс на инфериорност во животот, -смета Здравко кој две години беше дел од клубот од Милано.