Крос порани со специјална честитка: Многу тренери можат да учат од тебе, едвај чекам да те видам!

Тони Крос е фудбалска ѕвезда на Реал Мадрид и во изминативе години важи за еден од најдобрите играчи за врска, но наспроти сите сопствени заслуги за она што го доживеа во кариерата, Германецот самиот смета дека многу му должи и на тренерот кој најмногу веруваше во него.

Крос фудбалски растеше со Јуп Хајнкес, најпрво во Баер Леверкузен, а потоа и во Баерн Минхен, па сега на еден ден пред 75-от роденден на трофејниот стручњак, Кросј му се обрати со специјално писмо кое беше објавено во „Минхен Меркур“.

– Здраво тренеру, честитки за твојот 75-ти роденден. Во овие тешки времиња, ти посакувам здравје најмногу од се. Сакам да имаш сатисфакција во животот и да уживаш. Ова е одлична шанса уште еднаш да ти се заблагодарам.

– Убеден сум дека без неговата доверба, немаше да го изодам овој пат. Веруваше во мене, ми требаше тренер кој ме поддржува и кој ме критикува за да го извади најдоброто од мене. Многу тренери можат да научат многу од тебе, ти си доказ дека се остваруваат успеси и со малди играчи на кои им простуваше лоши натпревари.

– Мило ми е што уште сме во контакт, и покрај тоа што спортски сме разделени. Имам огромна желба да те видам повторно, поздрав од Мадрид, твојот Тони, – гласи пораката на Крос.