Ковач: Јас сум оптимист, но и реален, Барселона е…

Барселона беше подобра од Борусија Дортмунд (4-0) и е на добар пат да обезбеди билет за полуфиналето на Лигата на шампионите.

Каталонците го совладаа актуелниот европски вицепрвак со погодоците на Левандовски (2), Рафиња и Јамал и со одличен резултат ќе го дочекаат реваншот на „Сигнал Идуна Парк“ кој е закажан за наредната седмица.

Во таборот на „милионерите“ се разочарани поради овој болен пораз, па иако спортски е да се надеваш до самиот крај самите се свесни дека шансите да продолжат во наредната фаза се минимални.

-Многу тежок пораз. Очекувавме повеќе и мора да бидеме фер и да кажеме дека Барселона е одличен тим. Ги искористија сите грешки и подароци што им ги дадовме. Многу е тешко да се браниш против нив, -вели тренерот Нико Ковач.

-Јас сум оптимист, но и реален. Има голема разлика. Нашите шанси се многу мали. Ќе се обидеме да одиграме добро и да го завршиме натпреварувањето на високо ниво. Имаме надеж затоа што без надеж, не можеме да продолжиме. Тоа е последното нешто што сакаме да го изгубиме. Треба да видиме што тргна наопаку и да ја поправиме играта. Сега ја имаме Бундеслигата, па потоа ќе се подготвуваме за Барселона, -додаде предводникот на бундеслигашот.

Дортмунд пред реваншот со четата на Флик го има дербито со Баерн Минхен.