Кош кој долго ќе се врти: Центарот на Фенербахче постигна неверојатна тројка со звукот на сирената и ги шокираше сите во Истанбул (ВИДЕО)

Фенербахче ја продолжи својата одлична серија во домашниот шампионат и тоа откако се избори за славје во лудиот меч против составот на Бахчешехир.

Фенер беше пред пораз на овој дуел, но се случи „чудо“ и беше постигнат кош кој навистина ретко се гледа на терените. Гостите губеа со три разлика на 1.9 секунди до крајот, топката му беше дадена на Јоргос Папајанис кој едноставно си ја испроба среќата и со една рака ја упати кон противничкиот кош, топката влезе како „без коски“ за ерупција на гостите и шок на домашните играчи и навивачи.

İşte Georgios Papagiannis’in olağanüstü isabeti! 🚀#YellowLegacy

pic.twitter.com/BNXkQRyinF

— Fenerbahçe Beko (@FBBasketbol) January 27, 2024

Со ова дуелот се однесе во дополнителни минути во кои избраниците на Јасикевичиус подобро се снајдоа за конечно славје од 110:105.