Компани уште еднаш го „избриша“ Чурлинов, Барнли веќе гледа кон Премиер лигата

Екипата на Барнли од коло во коло е се поблиску до враќање во Премиер лигата откако ја одржува убедливата предност на табелата пред ривалите во Чемпионшип лигата.

Избраниците на Винсент Компани останаа непоразени на натпреварот против Сандерленд кој заврши без победник, но и без погодок во некоја од мрежите (0:0).

На „Турв Мур“ се одигра не доста интересен натпревар во кој Барнли повеќе се бранеше, а Сандерленд напаѓаше, но на крајот резултатот остана оној почетниот, па двата тима се задоволија со поделба на бодовите.

На оваа средба воопшто во протоколот не беше нашиот репрезентативец Дарко Чурлинов кој веќе извесен период е „прецртан“ од Винсент Компани кој очигледно не смета на нашиот фудбалер.

Инаку, Барнли има огромни плус 17 поени во однос на Миделсбро кој е третопласиран во Чемпионшип лигата и веќе гледа кон Премиер лигата.

Во следното коло Барнли игра токму против Миделсбро, а нашиот Чурлинов можеби на таа средба ќе добие прилика за настап.