Комбинацијата Дембеле-Емери ги крена на нозе навивачите на ПСЖ (Видео)

ПСЖ во последно време почна да докажува дека може да победува и без головите на Килијан Мбапе, па таков беше случајот и оваа вечер на „Паркот на принцовите“ на натпреварот против Монпелје.

Францускиот првак полека почнува да го добива ликот кој го има замислено Луис Енрике, бидејќи „светците“ денеска постигнаа три гола по импресивни тимски акции.

Усман Дембеле не постигна ниту еден погодок, но доскорешната ѕвезда на Барселона учествуваше во сите три акции и имаше одлично издание кое сигурно ќе влијае и на неговата самодоверба.

Првиот гол беше дело на Канг Ин откако топката со елегантно движење му ја пропушти Мбапе, а потоа за вториот гол се чекаше до стартот на вториот дел.

Дембеле и Заире Емери импресивно комбинираа и режираа гол кој ги крена на ноза сите присутни на стадионот, што беше и најава за победата која подоцна беше потврдена.

По нова акција по десната страна, Дембеле го проигра Хакими, а овој со својта втора асистенција го пронајде Витиња кој ги постави конечните 3:0.