Поврзете се со нас

Свет

Кјелини: Роналдо требаше да си замине порано!

Објавено

на

Џорџо Кјелини добива дозирана минутажа од тренерот Масимилјано Алегри со оглед на возраста и тешката повреда која ја санираше минатата сезона, а иако вчера капитенот на Јувентус не играше против Зенит во Русија, ја даде убедивло најинтересната изјава по крајот на средбата.

Јувентус влезе во серија од седум победи на осумте последни натпревари и значително се подобри расположението во тимот по катастрофалниот старт на сезоната, за кој Кјелини смета дека значителен одраз имала и завршницата од летниот преоден рок.

Кјелини верува дека заминувањето на Кристијано Роналдо во последен час негативно влијаело врз тимот, па излезе со заклучок дека Португалецот требал да си замине многу порано за доброто на Јувентус.

– По врската која ја имавме со Роналдо, се најдовме во ситуација да мора да бараме нови стрелци за голови. На Роналдо му е потребен цел тим да игра за него, а кога се случува тоа, тој е клучен. Тој го докажува тоа уште во првите месеци во Јунајтед, а го докажа и кај нас. По неговото заминување од тука, во Јувентус се јави процес на целосен рестарт.

– Роналдо си замина на 28 август, ќе беше многу подобро за нас ако си заминеше порано. Плативме данок со доцното заминување. Бевме шокирани и загубивме важни бодови на стартот на сезоната. Ако си заминеше порано, ќе бевме подобро подготвени за она што не чека. Затоа влеговме со задоцнет старт на сезоната, – изјави Кјелини по седмата победа на Јуве во последните осум меча.

Реклама
Реклама
Реклама

Популарни