Кин распали по Јунајтед, но и по еден ветеран во првиот тим: Требаше да си замине уште пред две години!

Рој Кин е препознатлив по своите брутални заклучоци за тешките порази кои ги претрпува Манчестер Јунајтед изминатите неколку години, но 14-от неуспех за „ѓаволите“ од стартот на оваа премиерлигашка сезона, го натера порашениот капитен да испорача сериозни забелешки за целокупниот тим, но и за еден ветеран кој денеска беше стартер.

Неповторливиот Ирец му честираше на Њукасл за извонредното залагање и победата од 4:1, но од друга страна, посочи дека во овој тим на Јунајтед не може да се пронајде играч кој сака да трча и да им помогне на своите соиграчи.

Во бруталната анализа, Кин посебно го подбра Кристијан Ериксен, кој по се изгледа ги брои последните два месеци како член на „црвените ѓаволи“.

– Навистина не можам да поверувам колку е лош овој тим на Манчестер Јинајтед. Ова беше 14-ти пораз од стартот на сезоната, навистина излишно е да се бараат било какви изговори. Заклучокот е многу јасен, во овој тим нема доволно играчи кои трчаат за тимот, нема доволно играчи кои сакаат да покријат празен простор.

– Овој тим на Јунајтед не е никаква закана, за да го победите Њукасл, мора да работите многу напорно, но тоа едноставно не се случи во второто полувреме. Очигледно е дека во овој тим на Јунајтед има играчи кои не се движат. Тука мислам посебно на Ериксен, но не е само тој. Ериксен требаше да си замине уште пред две години, а има уште доста останати кои не се дораснати за дресот на Јунајтед, – порача Рој Кин по поразот од 4:1.