Касемиро нема да му помогне на Тен Хаг во обидот да си ја спаси работата (Фото)

Касемиро не можеше да игра на натпреварите против Копенхаген и Манчестер Сити поради суспензија и мала повреда, но иако се врати во тимот и настапи против Њукасл, Бразилецот не се појави на стартот на вториот дел.

Многумина мислеа дека ова е нов тактички избор на Ерик Тен Хаг со оглед на тоа што Јунајтед губеше со 0:2, меѓутоа во дадениот случај се работело за нова повреда, која сега е посериозна од претходната.

Искусниот играч за врска заработил повреда на задната ложа и лекарските прегледи покажале дека истата не е од најлесен степен, па клубот денеска ја информираше јавноста дека Тен Хаг нема да може да смета со недели.

– Касемиро ќе биде надвор од терените неколку недели поради повреда на тетивата на задната ложа, повреда која ја доби за време на натпреварот против Њукасл во средата.

– Бразилскиот играч од средниот ред беше повлечен на полувремето поради проблемот, а последователните резултати открија проблем што ќе го оддалечи од теренот неколку недели, – гласи објавата на „ѓаволите“.

Ерик Тен Хаг влезе во прва голема криза како менаџер на Манчестер Јунајтед и на наредните неколку меча ќе се обиде да си ја спаси работата, но Касемиро нема да му биде од помош и ќе мора да бара други ресурси во средниот ред.

ℹ️ @Casemiro has been ruled out for several weeks.#MUFC

— Manchester United (@ManUtd) November 3, 2023