Карагер и Невил со искрени ставови за сомнителниот пенал кој го доби Англија (Фото)

Хари Кејн се избори за пенал по дуелот со Дензел Дамфрис и со својата реакција изнуди преглед од луѓето во ВАР собата, па иако Феликс Цвајер во прв момент не досуди пенал, во продолжение ја промени одлуката.

Иако контактот меѓу Дамфрис и Кејн се случи откако Хари ја испрати топката кон голот, Цвајер и судиите во ВАР собата се потпреа на новите правила и проценија дека има елементи за пенал, нешто што не се согласува најголем дел од јавноста која објективно гледа на работите.

Холандскиот дефанзивец имаше намера да го блокира шутот и воо ниту еден момент не влијаеше врз исходот од шутот на Кејн, па затоа Џејми Карагер и Гери Невил признаа дека на Англија и бил подарен пенал за враќање во полуфиналето.

– Како поранешен дефанзивец, сметам дека ова е срам. Не може ова да биде пенал на меч со таква важност. Беснеев за пеналот кој се досуди против Данска на мечот со Германија, тоа беше фудбалска навреда, а исто е и сега. Нормално е дефанзивецот да го блокира шутот, ова не е пенал, не е ниту блиску до пенал. Веќе никој не знае што е пенал, а што не е, – изјави Невил во студиото на „Ај-Ти-Ви“, а Карагер се огласи на Твитер.

– Ова никогаш не е пенал……., – кратко призна Карагер.

Never a penalty 😂😂

— Jamie Carragher (@Carra23) July 10, 2024