Карагер го именуваше најпотценетиот играч со кој ја делел соблекувалната: Ливерпул го продаде прерано

Џејми Карагер одбележа една убава ера во Ливерпул и целата своја играчка кариера му ја посвети на матичниот клуб, па токму поради тоа има посебен статус на легенда на „Енфилд Роуд“.

Карагер во речиси дводецениското искуство во првиот тим на Ливерпул имаше можност да ја дели соблекувалната со различни генерации на фудбалери, но како што вели самиот, убедливо најпотценет соиграч со кој имал убави моменти на теренот е Дени Марфи.

– Играч кој беше нависитна многу потценет е Дени Марфи. Дени можеше да игра на било која позиција на теренот, можеше да креира голови и да постигнува голови, а тоа најчесто го правеше на големите натпревари.

– Дени секогаш се појавуваше на сцена кога беше најважно, на натпреварите против Евертон и Манчестер Јунајтед. Можеби не беше најмобилниот играч, но беше многу храбар, многу паметен и секогаш ја сакаше топката.

– Никогаш не се плашеше, во денешно време има многу високо ценети играчи за врска, но тие ретко асистираат или постигнуваа голови. Сметам дека Ливерпул го продаде Дени прерано. Тој беше подобар од многу играчи кои дојдоа во клубот после него, тоа е сигурно, – потенцира Карагер.

Марфи играше на „Енфилд“ од 1997-ма до 2004-та година, потоа направи трансфер во Чарлтон, а до крајот на кариерата играше за Тотенхем, Фулам и Блекбурн каде се пензионираше во 2013-та година.