Поврзете се со нас

Европски првенства

Карабатиќ по 11-то злато во кариерата: Не играв за семејството, ниту за моите деца!

Објавено

на

Foto:twitter.com/EHFEURO

Никола Карабатиќ го освои 11-от златен медал од големите натпреварувања како играч на Франција и сигурно ќе остане запаметен како еден од најголемите играчи на сите времиња, без оглед на тоа што вчера еден негов рекорд беше урнат од Микел Хансен.

Карабатиќ на турнирот во Германија стана најдобар голгетер во историјата на Европските првенства, но за време на вчерашното финале, тој примат го презема Хансен.

Со оглед на тоа што Французинот веќе нема да настапи на Европските првенства, тој рекорд ќе остане во сопственост на Хансен, но Никола е многу позадоволен од тоа што го затвори  турнирот како континентален шампион.

– Навистина е посебно кога ве гледаат тука сите од семејството, тоа е дополнителна мотивација за сите играчи. Сите беа тука со мене, но овој турнир не го играв за семејството, не го играв за моите деца, ниту за публиката.

– Овој турнир го одиграв за себе, бидејќи знам дека ова ми е последна сезона. Тоа ми донесе многу енергија. Знаев дека веќе нема да заиграм на Европскот првенство и тоа многу ми помогна да се мотивирам за овој турнир. Имав поинаква енергија и многу сум среќен и горд што успеавме да освоиме златен медал. Никогаш не мислев дека ќе освојам 11 златни медали во кариерата, но напорно работев за тоа, тренирав и горд сум и среќен што стигнав до нов успех. Се надевам дека ќе бидам здрав и дека ќе бидам активен и за Олимписките игри во Париз, – изјави Карабатиќ за „Балкан хендбол“.

Реклама
Реклама
Реклама

Популарни