Јужна Америка едногласна: Несопирливиот Меси го имаше најдоброто издание во дресот на Аргентина (Видео)

Лионел Меси имаше едно од најкомплетните изданија во дресот на Аргентина во последните неколку години, без разлика на тоа што не успеа да се запише во листата на стрелците на дерби натпреварот против Уругвај во Копа Америка.

„Гаучосите“ победија со минимални 1:0 во средбата на која капитенот беше асистент на погодокот, но сепак признанието МВП го доби поради се она што го направи на теренот во текот на сите 90 минути.

Меси беше едноставно незадржлив за противничките фудбалери од Уругвај, а јавноста од Јужна Америка тврди дека ова била најдобрата партија на Лео во дресот на Аргентина во последната деценија.

Реално, главната ѕвезда на „гаучосите“ често знае да биде на удар од јавноста за лошите резултати на Аргентина, но со изданија како ова последното, никој нема да може да го доведе во прашање неговото залагање на теренот.

Incase you missed it.
Messi vs Uruguay.pic.twitter.com/IqbLpAzVzt

— Geri (@JanaBlaugrana) June 19, 2021