Јувентус се изнамачи против „десеткуваниот“ Лацио, па на крајот победи со автогол на Хила (Видео)

Јувентус нема долго да се сеќава на натпреварот кој го одигра против Лацио оваа вечер, а истото важи и за неутралните фудбалски фанови кои го следеа дербито во Торино.

Натпреварот беше одбележан од непотребно остриот старт на Ромањоли по кој судијата покажа црвен картон уште во 24-та минута, па така гостите од Рим се предодредија на бранење на почетните 0:0 до крајот на средбата.

Во такви услови, Јувентус тешко пронаоѓаше „дупка“ во одбраната на Лацио, но дури и кога го правеше тоа, Влаховиќ ја погоди гредата, а Даглас Луиз промаши неверојатна шанса од непосредна близина.

Двете шанси во првата третина од второто полувреме беа најава за уште поинтензивни напади на Јувентус, па иако гостите одлично се бранеа, на крајот примија гол по една несмасна реакција на Марио Хила.

Шпанскиот дефанзивец го измами својот соиграч Проведел и ја смести топката во неговиот гол, а тоа беше доволно за екстаза на трибините и победа на Јуве со автоголот во 85-та минута.

Овој гол очекувано доста го израдува и Тиаго Мота, бидејќи неговиот тим сега се израмни со Наполи на првенствената табела.

Автоголот на Хила погледнете го ТУКА