Јувентус ќе го одврзе ќесето и уште во декември ќе исплати 30 милиони евра за играчот кој го задоволи Мота (Фото)

Тиаго Мота се одлучи за низа промени во првиот тим на Јувентус, но за да дојде до такво нешто, мораше да носи и непопуларни одлуки како онаа со Федерико Киеза.

Новиот тренер неочекувано лесно се откажа од италијанскиот репрезентативец и јасно стави до знаење дека сака свежа крв на крилата, а ако на левата страна беше добро покриен со Кенан Јилдиз, на десната доби супер засилување во Франциско Консеисао.

Јувентус успеа да договори позајмица до крајот на сезоната, но според последните пишувања, истата ќе биде прекината и договорот ќе стане перманентен, откако Мота и директорите на клубот се увериле во квалитетите.

Консеисао ги оправда очекувњата и покажа дека талентот може да го наградува на највисоко можно ниво во Италија, па поради тоа, Јувентус нема да чека до лето и ќе го одврзе ќесето уште во декември.

„Газета“ информира дека Јуве ќе исплати 30 милиони евра на Порто за Консеисао до крајот на месецот, а оваа вест ја потврдија и познатите новинари кои одблиску ги следат случувањата во клубот од Торино.

⚪️⚫️✍️ Conceição has convinced Juventus and already in December they want to pay €30M to own him. 🇵🇹

📰 Gazzetta pic.twitter.com/5aq6t7n620

— Italian Football TV (@IFTVofficial) December 5, 2024