Јуниорките го забележаа првиот триумф на ЕП

Женската кошаркарска репрезентација до 18 години го забележа првиот триумф на Европското првенство „Б“ дивизија што се игра во Литванија.

Во разигрувањето за пласман од 17. до 21. место, Македонија славеше над Австрија со 78:70. Младите македонски кошаркарки конечно одиграа меч во кој беа на ниво 40 минути, а особено се истакнаа во завршниот период кој го реализираа со 21:11.

Своите одлични настапи на ЕП ги продолжи Ања Начевска, која финишираше со нов двоен ефект, изразен со реализација на 23.поени и 17.скока (индекс 36), но за разлика од претходните мечеви, имавме уште три кошаркарки кои завршија со двоцифрен број на реализации.

Трајковска имаше 15.поени и по три скока и исто толку асистенции), Колева и  Пислевска додадоа по 14, Џангаровска имаше уште шест.