Јорк не верува во асот на Јунајтед: Во секое време би го избрал Нуњез пред него

Двајт Јорк долго време играше на островот со тоа што најуспешните, најубавите времиња ги мина во Манчестер Јунајтед каде успеа да ги освои сите најважни трофеи Премиер лигата, Лигата на шампионите и ФА Купот.

Со оглед на направеното и успешниот период тој носи статус на легенда во клубот, меѓутоа тоа не значи дека по секоја цена би застанал зад нешто во кое не верува, па така правејќи споредба меѓу Расмус Хојлунд и Дарвин Нуњез тој комплетно застана зад напаѓачот на Ливерпул.

-Кога би можел, би го заменил Расмус Хојлунд за Дарвин Нуњез, бидејќи тој има повеќе во „шкафчето“. Тој има темпо, има моќ, може да игра со глава, има присуство – само треба да ја подобри својата завршница и ќе биде најдобриот напаѓач во лигата.

-Треба да почекаме и да видиме дали ќе може да го направи тоа, но како менаџер би го избрал Нуњез наместо Хојлунд кој било ден од неделата, -порача некогашниот репрезентативец на Тринидад и Тобаго.