НБА

Јокиќ се израмни со Леброн и Кид: Сличности во нашата игра? Можеби во таа…

Објавено

на

31 октомври, 2023

Од

Денвер Нагетс продолжува да реди победи во НБА лигата, а најнова жртва беше составот на Јута Џез кој беше совладан во Колорадо со 110:102.

Повторно се истакна Никола Јокиќ кој реализираше трипл-дабл од 27 поени, 10 скока и 11 асистенции, учинок со кој се израмни со Леброн Џејмс и Џејсон Кид на вечната листа. Јокиќ има 107 трипл-дабл учиноци во досегашното НБА патување што е навистина импресивно достигнување за секој играч особено ако се земе во предвид дека тој ја покрива центарската позиција.

-Сличности меѓу мене Леброн и Кид? Можеби во таа ол-раунд игра. Особено во офанзивата. Во влијанието на играта на секој можен начин во офанзивниот дел. Да се биде разновиден, -истакна Србинот.

Пред ѕвездата на Денвер се само три имиња, Меџик Џонсон (138), Оскар Робертсон (181) и актуелниот член на ЛА Клиперс, Расел Вестбрук (198).