Јамал со оригинален одговор за непријатните навреди кои ги доживеа на „Сантијаго Бернабеу“

Ламин Јамал вчеравечер беше избран за најдобар млад играч во светот и му беше доделен „Копа трофејот“ на церемонијата во Париз, а по воведниот говорот со кој навистина покажа доблест за 17-годишно момче, во продолжение од вечерта, фудбалерот на Барселона бил интересен за новинарите и поради последните случувања на „Ел Класико“.

Јамал постигна гол во високата победа од 0:4 над лутиот ривал, но по натпреварот стана јасно дека Ламин бил жртва на непријатни расистички навреди од трибините, поради кои со жестоки соопштенија се јавија и Реал Мадрид и Винисиус Жуниор.

Младата ѕвезда на Барселона доби поддршка за расистичките навреди на кои беше мета од навивачи на Реал, но тој всушност не дава воопшто големо внимание на оваа тема, за што говори и неговата изјава по свеченоста во Париз.

– На теренот се однесувам онака како што сакам, па затоа и ги славам головите онака како што сум замислил.

– Тоа што ќе ти кажат четири глупости од трибината нема никакво значење за мене. Нема потреба да се лутиме, тоа всушност е знак дека правиме многу добри работи како тим, – гласи одговорот од Јамал за неколкумината расисти од „Сантијаго Бернабеу“.