Јамал правеше чуда, Барселона испука „петарда“ и во мрежата на Бетис (Видео)

Барселона се врати во Шпанија со освоена титула во Суперкупот, а иако немаше многу време за одмор, повеќе од јасно е дека играчите на Ханси Флик се уште се под еуфорија од страшното издание против Реал Мадрид.

Понесени од големата „Ел Класико“ победа, денеска брилијантни изданија имаа и играчи кои обично не се во прв план, но сепак главната улога ја имаше неверојатниот Ламин Јамал.

Суперталентираниот фудбалер правеше чуда против Бетис и беше најзаслужен за убедливата победа, по која Барселона се пласираше во четвртфиналето на Копа дел Реј.

Ламин запиша една магична асистенција, потоа претрча 70 метри и имаше брилијантен соло-продор пред гол да постигне Рафиња, додека во второто полувреме се запиша и во листата на стрелците.

Пред неговото шоу, првиот гол за водство на Барселона го постигна Гави, додека во листата на стрелците се запиша и Феран Торес.

Во самата завршница, почесен гол за Бетис постигна Витор Роке кој ги постави конечните 5:1.

Головите погледнете ги ТУКА