Јакимовски промаши тројка за победа на Колорадо (ВИДЕО)

Колорадо на Андреј Јакимовски не успеа да ја прекине серијата на лоши резултати во НЦАА лигата каде забележа нов пораз во дуелите со Аризона Стејт, овојпат со 70:68.

На почетокот на оваа година Аризаона славеше убедливо со 81:61, но овојпат мечот беше далеку поизрамнет, драматичен, неизвесен, па домаќините го имаа и последниот шут на натпреварот и тоа преку Јакимовски кој не успеа да го погоди ударот за три поени од половина теренот.

Андреј реализираше само една тројка на ова соочување, вкупно постигна 7 поени со 4 скока. Баскин со 19 кошеви беше најефикасен кај поразените, додека Милер го предводеше победникот со 18 поени.

Бафалос нанижаа веќе девет порази во серија во НЦАА лигата и се на 15 позиција во својата конференција.