Ивата со „проектил“ го „дупна“ Поуп, Њукасл со многу мака го освои Бирмингем (ВИДЕО)

Екипата на Њукасл со доста мака го совлада третолигашот Бирмингем и обезбеди пласман во осминафиналето на англискиот ФА Куп.

Гостинскиот стратег Еди Хау ги „измеша картите“, настапи со комбиниран тим, а тоа му донесе проблеми иако на крајот беше остварена победа од 3-2.

Домаќините поведоа уште во 1 минута, премиерлигашот го сврте резултатот од 21 до 26 минута со погодоците на Вилок и Ивата, ама Бирмингем не се откажа и одново се врати во игра со страшниот гол, најубавиот момент на мечот кој беше дело на Ивата кој испрати проектил во 39 минута.

Овој резултат беше активен се до самата завршница кога Вилок во 83 со својот втор гол донесе конечно славје за составот од Сент Џејмс Парк.