Италијански циркус во Мото 2: Возачите на Роси се погрижија за неверојатна сцена во Херез (Видео)

Енеа Бастијанини оствари голема победа на трката за Големата награда на Андалузија во конкуренција на Мото 2, сето тоа како загревање за главната трка во „кралската класа“.

Бастијанини беше за ниво подобар од конкуренцијата и направи предност од неколку секунди пред да мине како прв на финишот, а крајот на трката ни донесе и една неверојатна ситуација каква што не се гледа во професионалниот мотоциклизам.

Тимските колеги од „Скај Рејсинг тимот“ на Валентино Роси се погрижија за вистински циркус по минување на целната линија, бидејќи во обид да си честитаат за освоените места, приредија вистински урнебес.

Италијаните Лука Марини и Марко Безеки завршија на второто и третото место и си обезбедија место на пиедесталот, но нивниот обид за честите заврши со „бакнување“ на асфалтот.

Двајцата возачи комично се судрија и завршија на земјата, а најдобра вест е што минаа без никакви повреди.

One for the blooper reel between @Luca_Marini_97 and @Marco12_B! 😂😂😂@SkyRacingTeam aren't having much luck with celebrations today! 🤦‍♂️#Moto2 | #AndaluciaGP 🏁 pic.twitter.com/ykiYgk84Rf

— MotoGP™🏁 (@MotoGP) July 26, 2020