Имобиле донесе победа, па порача: Секогаш го ставам Лацио на прво место…

Лацио се избори за победа во дуелот со Фиорентина и тоа со погодок во последните секунди и тоа со удар од 11 метри кој го искористи Чиро Имобиле.

Капитенот кој се мачи со повреди и слаба форма влезе во самата завршница и успеа да даде победнички гол кој дефинитивно многу му значи по критиките кои ги доби од дел од навивачите во последно време.

-Секогаш прво мислам на тоа што е најдобро за тимот, јас се ставам на второ место . Момците беа добри, тоа беше отворен натпревар, можевме да победиме или да загубиме, но бевме наградени што повеќе верувавме. Ни недостигаат голови од нашите напаѓачи и кога создавате толку многу шанси, треба да бидете остри, да влезете на вистинските позиции и да бидете со чиста глава пред голот. Вечерва ја сочувавме мрежата и тоа е исто така важна работа на која треба да се надоврземе, -истакна Чиро и додаде:

-Ни требаат вакви игри. По грубиот старт се чувствувавме многу опуштено и тоа не помогна. Сега треба да продолжиме да собираме поени и да ја задржиме таа верба. Јас сум мирен сум, семејството е покрај мене. Голот сакам да му го посветам на татко ми кој во последната недела имаше тешки моменти. И на мојата сопруга, на моите деца, тие се покрај мене и ме смеат, -порача напаѓачот за „Скај Спорт Италија“.

Лацијалите со 16 бода се на 7 место на табелата.