Играчи на Ботафого го спасуваа Бразил во Чиле (Видео)

Бразилската фудбалска репрезентација се врати на вистински колосек во квалификациите за Светско првенство, но иако тоа го направи многу потешко од очекувањата, најважно е што освои три бода.

Чиле е далеку од реномето кога важеше за голема светска сила со играчи како Артуро Видал и Алексис Санчес, па во ситуација кога оваа селекција е претпоследна на табелата, беше јасно дека Бразил мора да брка победа и три бода.

Натпреварот не почна добро за гостите кои беа „поздравени“ од Варгас уште во втората минута, но Бразил во продолжение успеа да постигне два гола и да се погрижи за пресврт, и тоа благодарение на играчи кои обично не се во првиот тим.

Двајца првотимци на Ботафого добија шанса од селекторот Доривал Жуниор, а мора да се напомене дека ја искористија довербата и одговорија со два гола.

Игор Да Круз израмни на 1:1 непосредно пред крајот на првиот дел и тоа беше голем потстрек за „кариоките“, кои сепак чекаа до 89-та минута за вториот гол.

Луис Енрике се покажа како „џокер“ за фаворитот, бидејќи неговиот продор по десната страна заврши со гол во мрежата на домаќините за 1:2.