Ибрахимовиќ го прозва Балотели, Марио му одговори во негов стил (ФОТО)

Златан Ибрахимовиќ веќе неколку месеци официјално е во фудбалска пензија и нема обврски што значи има повеќе слободно време, па така славниот ас искористи дел од истито и беше еден од гостите на настанот организиран од реномираниот италијански медиум „Газета Дело Спорт“.

Тој беше во позиција да говори за повеќе теми, искуство, работата низ годините и го спомена Марио Балотели како играч кој не го искористил потенцијалот, талентот што го имал и поседувал.

-Кога едно дете има можности максимално да го искористи својот талент и не ги користи, тоа е штета. Балотели имаше толку многу можности и сите ги пропушти, го фрли својот талент. Тоа е вистината, -порача Ибра.

Веднаш стигна одговорот од актуелниот член на турска Адана кој објави фотографија со трофејот од ЛШ и при што го тагна Ибрхаимовиќ.

Ибра никогаш не успеа да го освои трофејот од елитното натпреварување, Балотели тоа го направи со Интер и тоа само една година откако Швеѓанецот се пресели во Барселона.