Хакими претрча 70 метри и даде гол, Мароко е првиот полуфиналист на фудбалскиот турнир (Видео)

Мароко е првиот полуфиналист на фудбалскиот турнир на Олимписките игри, откако африканската селекција покажа класа и знаење во дуелот со Соединетите Американски Држави.

Мароканците на убедлив начин ја потврдија својата добра форма и постигнаа дури четири гола во мрежата на Американците, од кои два беа од белата точка.

Рахими и Маухуб беа реализатори на ударите од 11 метри за 1:0 и 4:0, додека најубавиот гол го постигна најголемата ѕвезда во тимот на Мароко.

Ашраф Хакими претрча 70 метри и доби еден воздушен дуел на средината на теренот, пред да пристигне до шеснаесетникот и да погоди со својата послаба лева нога.

Покрај Хакими, гол од игра постигна и Акхомах, па со тоа беше само потврдена доминацијата на Марокаците кои во полуфиналето ја чекаат Шпанија или Јапонија.

🔴🔵Butt d’Hakimi au Parc des Princes pic.twitter.com/aDJAzNE8A5

— Paris_SGINFOS🕊 (@Paris_SGINFOS) August 2, 2024