Хабиб со емотивна фотографија и порака кон својот татко го заокружи крајот на кариерата (Фото)

Хабиб Нурмагомедов ја зголеми својата легенда во УФЦ со победата која ја оствари во дуелот со Џастин Гејџи, по која со солзи во очите и откри на цела јавност дека става крај на својата блескава кариера.

Популарниот „орел“ од Дагестан одлучи да стави крај на својата кариера со неверојатен скор од 29-0, ветувајќи дека повеќе никогаш нема да се врати во октагонот без својот татко кој беше негов идол и тренер.

Хабиб остана без својот татко пред извесно време откако поради компликации од коронавирусот почина во болница, па откако на доминантен начин го совлада Гејџи по нецели две рунди, Нурмагомедов обелодени дека ќе го одржи ветувањето кое и го дал на својата мајка, а тоа е дека повеќе нема да има УФЦ борби.

Нурмагомедов беше крајно емотивен веднаш по крајот на мечот и емотивно се распрсна по тешкиот период кој го остави зад себе, а неколку часа по борбата, со емотивна објава за својот татко ја заокружи својата пензија од УФЦ.

– Кога Бог е со тебе, никој не може да те скрши, никој. Татко, ти благодарам за се што ме научи во животот, Бог нека те однесе во највисокиот Рај, – порача Хабиб.

View this post on Instagram

When ALLAH with you, nobody can broke you, nobody 👊⚔️ Thanks Father for everything, you teach all my life, may ALLAH grant you the highest Paradise 🤲 – Когда Всевышний с тобой ни что тебя не сломает, абсолютно ничто. Спасибо Отец за все, чему ты меня научил в этой жизни, дай Аллах тебе наивысшую ступень Рая 🤲

A post shared by Khabib Nurmagomedov (@khabib_nurmagomedov) on Oct 24, 2020 at 4:04pm PDT