Грен слем шампионка се повлече од Ролан Гарос откако се повреди на прес-конференција! (Фото)

Наоми Осака се повлече од Ролан Гарос поради конфликтот со организаторите на францускиот грен слем, а еден ден по оваа сензационална одлука на младата тенисерка, ни пристигна уште една неочекувана вест од Париз.

Искуната Петра Квитова ја победи Минен во првото коло на Френч Опен и беше предвидено во второто да игра против Веснина, меч кој сепак нема да се одигра и кој противничката го добива службено поради бизарна причина.

Елена Веснина ќе одмори во втората рунда и со своите мисли може да биде насочена кон третото коло, откако искусната чешка тенисерка одлучи да се повлече поради неверојатна причина.

Двократната освојувачка на Вимблдон и соопшти на јавноста дека се повредила на прес-конференцијата по мечот со Минен, односно паднала во прес центарот и заработила повреда.

– Додека одев да се соочам со медиумите во понеделникот, паднав во прес-центарот и си го повредив зглобот. Прегледите покажаа дека станува збор за повреда и нема да можам да го доиграм турнирот оваа година. Ова е многу лоша среќа, но ќе се обидам да останам силна и да се вратам за турнејата на тревна подлога, – порача Квитова.

😔 pic.twitter.com/Oj8P1lmCjT

— Petra Kvitova (@Petra_Kvitova) June 1, 2021