Градоначалникот на Кисела Вода, Орце Ѓоргиевски со поддршка за ЕМОФ Скопје 2025

Во рамките на семинарот на Шефови на мисии што се оддржува деновиве во Скопје, бевме во посета на спортските објекти кои гравитираат на територија на општина Кисела Вода.

Домаќин ни беше градоначалникот Орце Георгиевски кој сесрдно се заложи за успешна организација и поддршка на фестивалот.

Ја посетивме спортската сала на ООУ „Невена Георгиева Дуња“, објект под надлежност на Општина Кисела Вода, кој ќе биде една од официјалните локации на фестивалот, каде што, конкретно, ќе се одржуваат натпреварите во бадминтон.

Фокусот на фестивалот е да ги обедини младите од цела Европа преку спортот, да ги промовира пријателството, солидарноста и врвниот спорт.

Со нетрпение го очекуваме фестивалот од 20 до 26 јули, кога околу 4000 учесници од 49 земји ќе се натпреваруваат во 15 спортови.