Голема чест за младите играчи на Лазаров: Легендарниот Џомба присутен на тренингот на Алкалоид (Видео)

Алкалоид ја отвори сезоната со освоен трофеј во Супер Купот и тоа им дава дополнителен потстрек на избраниците на Кирил Лазаров, кои денеска беа посетени и од една голема хрватска легенда.

Мирза Џомба денеска бил присутен на тренингот на првиот тим на Алкалоид и главна причина за посетата е тренерот Кирил Лазаров, со кого Хрватот има план да одработи разговор за својата ТВ емисија.

Меѓу другото, Џомба го искористил денешниот ден за да ги запознае играчите на тимот кој го предводи Кире, а тоа дефинитивно е огромна чест за ракометарите на клубот од Автокоманда.

– Мирза Џомба, иконата на хрватскиот ракомет го посети нашиот РК Алкалоид во Скопје и беше присутен на тренингот на првата екипа. Неговата присутност на тренингот беше инспиративна, а имаше и кратки средби и запознавање со нашите ракометари.

– Мирза Џомба е освојувач на златен медал од Светско првенство и Олимписки игри со легендарната генерација на хрватската репрезентација. Своевремено беше соиграч со нашиот тренер Кирил Лазаров во хрватски РК Загреб и унгарски Веспрем.

– По завршувањето на кариерата во спортот е активен во медиумскиот дел, па за време на престојот во Скопје, ќе сними и епизода од својата ТВ емисија  во која специјален гостин ќе биде Кирил Лазаров, – гласи објавата на Алкалоид.

 

View this post on Instagram

 

A post shared by RK Alkaloid (@rkalkaloid)