Голем скандал во најава: Португалски великан обвинет за корупција и местење натпревари

Бенфика замина на репрезентативна пауза во позитивна атмосфера откако го декласираше Атлетико Мадрид со 4:0 во Лигата на шампиони, но десетина дена подоцна овој португалски великан доби навистина лошо известување, и тоа од националното правосудство.

Сите угледни медиуми од Португалија оваа вечер информираа дека правосудниот орган поднел тужба против Бенфика и поранешните вработени на овој клуб, сето тоа поради сомнеж за корупциски скандал и местење натпревари во периодот од 2016-та до 2019-та година.

Во прв план на тужителите се поранешниот претседател Луис Фелипе Виера и неговиот правен советник Паул Гонсалвеш, но во целата истрага се вклучен и поранешни директори на Виторија Сетубал.

Споменатите се првообвинети за корупција, даночна измама и местење на фудбалски натпревари, а во прв план се два одиграни натпревари меѓу двата клуба.

Според обвинителството, Бенфика за симболична сума испраќала свои фудбалери на позајмица во Сетубал, а за возврат Виторија им пуштила два натпревари на „лисабонските орли“

Бенфика како клуб експресно ги демантираше ваквите „нагаѓања“ на обвинителството и цврсто верува дека станува збор за една голема заблуда, но исто така информираше и дека е подготвена да ја истера правдата на било кој суд во Португалија.