Ѓуроски „испука“ четири тројки во убедливата победа на Аликанте

Аликанте на репрезентативецот Стојан Ѓуроски врза две победи во низа во шпанскиот шампионат, па така откако беше средена Лејма Коруња сега беше декласиран составот на Валјадолид со 108-69.

Домаќините доминараа од почеток до крај, од првата до завршната четвртина со што само потврдија дека ја креваат формата, односно на најдобар можен начин ја најавија битката со лидерот Бреоган.

Ѓуроски беше еден од шесте играчи со двоцифрен учинок кај Аликанте, уфрли 12 поени (0/1 за два, 4/7 за три) со 4 скока и 1 асистенција. Најефикасни беа Питс и Ален кои заедно искомбинираа 48 кошеви.

Екипата на Стојан со учинок 6-5 се наоѓа на 4 место на табелата.