Ѓоковиќ откри кој рекорд сака да го собори: Уживам во тенисот…

Новак Ѓоковиќ лесно се справи со Григор Димитров (6:4, 6:3) и дојде до пехарот на Мастерсот во Париз.

Србинот во претходните рунди имаше далеку поголеми предизвици, противници за кои мораше да вложи многу труд и пот за да ги совлада, но во финалето беше на највисоко ниво и го освои седмиот пехар во Париз, вкупно 40. Мастерс од серијата 1000 или севкупно 97 титула во кариерата.

Првиот светски рекет сега има само 12 помалку од рекордерот по освоени АТП трофеи, Џими Конорс, рекорд кој Ѓоковиќ верува дека може да го собори, односно биде во негова сопственост во иднина.

-Што се однесува до рекордот по бројот на освоени АТП турнири, се е можно. Зошто да не се обидам да го соборам тој рекорд? Сега имам 12 помалку (Новак 97 – Конорс 109), но имам и уште неколку години успешен тенис и се трудам да уживам во овие моменти кои сега значат и вредат – двојно. Кога ќе ја земете предвид фазата од мојот живот и кариерата во која се наоѓам и да освојам толку голем турнир – иако на луѓето можеби им изгледа рутина, а воопшто не е – секоја победа на мастерс и грен слем ниво, навистина многу ми значи, -изјави Ѓоковиќ за Курир.

Where does it end for Novak Djokovic? 🤔 pic.twitter.com/ShJvyDucH6

— Olly 🎾🇬🇧 (@Olly_Tennis_) November 5, 2023

-Одам по сите можни рекорди, се што можам да соборам. Никогаш не сум имал проблем тоа да го кажам,  затоа и луѓето можеби не ме сакаат; Не се преправав како некој,  да кажам дека тоа не ми е целта, а потоа да се однесувам поинаку… Секогаш се трудев да бидам во склад со она во што верувам, порача Новак.