Ѓоковиќ му помогна на мало дете на кое му се слоши на трибините и ги воодушеви фановите во Париз (Видео)

Новак Ѓоковиќ ги има завршните подготовки за првиот предизвик кој ќе го има на Ролан Гарос, а на еден ден пред мечот со Александар Ковачевиќ, Србинот ги освои симпатиите во Париз.

Причина за тоа е сцената од тренингот кој го имал со Карен Хачанов, на кој Србинот брзо сфатил дека има незгодна ситуација на трибините и експресно реагирал во свој стил.

Поради топлото и спарно време во Париз, едно младо момче почувствувало потешкотии да остане во толпата на трибините, па Ноле реагирал како голем џентлмен и го симнал доле на теренот.

Ѓоковиќ го понудил со вода и му дал ладен пешкир околу врат, а со својот потег ги освоил симпатиите и добил громогласен аплауз од присутните на трибините.

Ноле утре го игра својот прв меч на вториот грен слем оваа година, па според програмата, треба да излезе на терено околу 14 часот.

papa bear novak in action 🐻 @djokernole pic.twitter.com/Q8YHHhwl8c

— Tennis Channel (@TennisChannel) May 27, 2023