Ѓоковиќ: Ќе има доста тензија, притисок, ама тоа е…

Новак Ѓоковиќ денеска ќе го има својот прв настап на Вимблдон, турнир на кој е прв носител и ќе ја брани титулата.

Грен слемот во Лондон е еден од омилените на Србинот и поради тоа го има статусот на фаворит за пехарот кој досега го има освоени шестпати на „Ол Ингланд Клаб“. Тој е добро расположен иако признава дека постои притисок, но со истиот знае да се носи, да го надмине и да го извлече најдоброто од себе на теренот.

-Се трудам да донесам добра енергија и расположение. Се надеваме дека ќе стигнеме далеку во наредните две недели. Ќе има многу напнатост, притисок, очекувања. Тоа е нешто вообичаено и чувство што добро го знам.

-Обично ден-два пред турниро, интензитетот на тренинзите е помал, се концентрирам на одредени технички детали, да го зачувам доброто чувство за ударите и генерално да влезам свеж и мотивиран на турнирот, изјави Ѓоковиќ за „Спортклуб“.

Прв противник на Ноле на Вимблдон ќе му биде Синву Квон.