Ѓоковиќ го призна поразот: Немав никаков проблем, Беретини ме надигра!

Новак Ѓоковиќ се врати на тениските терени и тоа со пораз на АТП турнирот во Доха.

Ова за Србинот беше прв настап по Австралија Опен каде се повлече по првиот сет во полуфиналето со Александер Зверев, па имаше различни информации за тоа колкава пауза за да ја санира повредата на мускулот. Проблемот е надминат, но Ѓоковиќ доживеа неочекуван пораз од Матео Беретини и тоа со 2-0 во сетови.

-Одигра совршен меч. Исклучително силен и прецизен сервис, висок процент на прв удар. Немав многу шанси на негов сервис. Особено во вториот сет. Имав две брејк топки во првиот. Секогаш го наоѓаше првиот сервис и беше многу агресивен, тактички одигра многу паметно.

-Одиграв два лоши гејма во вториот сет. Играв премногу пасивно. Ме шеташе низ теренот, диктирајќи го темпото. Предолго чекав да направи грешка. Му честитам на одличното издание. Имав блескави моменти повремено, но под посакуваното ниво. Очигледно, таа повреда и недостатокот на интензивни тренинзи значително придонесоа моето движење да биде послабо и моите сомнежи за моите удари да бидат поизразени, а тој тоа го искористи.

-Не чувствував никаква болка или непријатност. Едноставно бев надигран од подобар играч. Тоа не беше моето посакувано ниво, не се движев добро како што сакав. Нема оправдување. Одигра маестрално тактички, одлично сервираше и заслужи да победи, -рече Ноле.

Беретини по големата победа над Ѓоковиќ: Ова подолго време сакав да го направам