Галијани откри за кого ќе навива во финалето на ЛШ

Утре се игра големото финале во Лигата на шампионите, финале во Истанбул во кое силите ќе ги одмерат калчолигашот Интер и англискиот првак Манчестер Сити.

Средбата се игра во веќе стандардниот вечерен термин од 21 часот, а во пресрет на истата имаме многу прогнозо, анализи, типови за тоа кој е поблиску до трофејот.

Адријано Галијани долги години беше во Милан, но утре ќе му даде поддршка на тимот предводен од Симоне Инѕаги.

-Ќе биде тежок натпревар како и секое финале. Тешко е да се предвиди победникот. Не станав Интериста, сè уште навивам за Милан, но како Италијанец и како поранешен претседател на Лега, секогаш навивам за италијанските клубови [во Европа], така што би било одлично за нас доколку Интер победи.

-Манчестер Сити е најсилниот тим во Европа на хартија, но повторувам, мислам дека Интер има алатки за да ги запре, -порача Галијани кој сега е главен во Монца.