Фудбалска рапсодија: Болоња со акција како на видео игра го торпедираше Лацио (Видео)

Лацио пред три дена играше натпревар во Лига Европа и потешко од очекувањата ја мина Викторија Плзен, но денеска беше очигледно дека тимот од италијанската престолнина нема да мине добро на „Ренато Далара“.

Разиграната Болоња покажа дека во овој момент можеби е и тим кој е во најдобар форма во Серија А, а извонредното издание против Лацио го комплетираше со бравурозна акција како на видео игра.

Домаќините немаа милост кон Лацио и испорачаа „петарда“ во мрежата на гостите, со тоа што последниот гол беше вистинско ремек-дело.

Фудбалската рапсодија на Болоња со извонреден гол ја круниса Фабијан, а претходно четири пати погодија Одгард, Орсолини, Ендоје и Кастро.

Со четвртата победа во низа Болоња успеа да се искачи на четвртото место на табелата, па втора сезона по ред е сериозен кандидат за пласман во Лигата на шампиони.

Головите погледнете ги ТУКА