Франција ја надигра Полска и го одбрани олимпиското злато (ВИДЕО)

Француската одбојкарска репрезентација е старо-нов олимписки шампион или поточно го одбрани олимпиското злато на свој терен.

Французите во големото финале во Париз ја надиграат селекцијата на Полска со 3-0 во сетови. „Триколорите“ водени од публиката беа на повисоко ниво и со 25:19, 25:20 и 25:23 дојдоа до ново најсјајно одличје на најголемата спортска сцена.

Тие беа најдобри во Токио каде ја добија Русија по голема борба со 3-2, додека пак денеска многу полесно од очекувањата дојдоа до славје за второ злато на ОИ.

Третото место и бронзата заврши кај Американците кои ги добија Италијанците со 3:0 во сетови.