Фонсека го потврди четвртото летно засилување за Милан и заклучи: Трансфер пазарот за нас е затворен!

Италијанските медиуми вчера пренесоа дека Јусуф Фофана и дефинитивно ќе биде четврто летно засилување за Милан, а оваа информација денеска официјално ја потврди Пауло Фонсека.

Новиот тренер на Милан доби четири засилувања на позиции кои тој ги подвлече со црвено, па откако Златан Ибрахимовиќ му ги исполни желбите, сега само чека клубот да се ослободи од играчите кои тој ги смета за прекубројни.

– Сега ги чекаме само медицинските тестови за Фофана и се ќе биде готово. Ќе зборувам повеќе кога ќе го имаме на располагање…..

– Можам само да нагласам дека сум среќен од засилувањата кои ги добивме ова лето. Нашиот трансфер пазар се затвора со Фофана.

– Тој е нашето четврто засилување ова лето, а сега мора да се ослободиме од неколку играчи кои се во тимот. Имаме премногу играчи во тимот и не е лесно да е работи со толку фудбалери. Најдобро ќе биде да го исчистиме тимот, – изјави Фонсека.

Милан до крајот на летниот преоден рок ќе работи на продажба на фудбалери кои се прецртани од Фонсека, а трансфер пазарот го затвора со ангажмани на Мората, Павловиќ, Емерсон и Фофана.