Фоден имаше слатка екскурзија до Англија, но уште вечерва се враќа во Германија

Фил Фоден вчера го напушти англискиот камп во Германија и доби дозвола да се врати во родната земја, каде по извршените неодложни обврски, сега е подготвен да му се врати на репрезентативниот камп.

Ѕвездата на Манчестер Сити мораше да се врати дома поради тоа што неговата сопруга му го родила третото дете, а по убавата вест и специјалниот момент кој не сакал да го пропуштил, Фоден уште вечерва ќе се врати во базата на Англичанитее.

Според најавите на англиските медиуми, планот е Фоден да биде дел од утрешниот тренинг на Герет Саутгејт, па секако и во комбинација за неделеното осминафинале.

Англија заврши како прва селекција во групата Ц и покрај тоа што не брилјираше, а тоа им загарантира дуел со Словачка за место меѓу осумте најдобри.

Еден од најсериозните кандидати за титулата освои пет бода во трите кола во групата, па со фаворитска улога влегува и во пресметката со Словаците (мечот ќе се игра во Гелзенкирхен).