Фиго 20 години по трансферот што ја раздрма Шпанија: Не се сеќавам дека него го гаѓаа со свинска глава…

Поранешниот легендарен португалски репрезентативец и член на Барселона и Реал Мадрид, Луис Фиго се реши да проговори за трансферот кој направи фудбалски земјотрес во Шпанија.

Пред 20 години играчот од средниот ред се реши да ја замени Барселона со Реал Мадрид, нешто што навивачите на каталонскиот клуб не можеа да му го простат.

Во интервју за каталонскиот „Спорт“, Фиго се сети на моментите кога беше „персона нон грата“ во Барселона и се сети на гостувањата со Реал Мадрид на „Камп Ноу“.

Португалецот и ден денес смета дека не заслужил таков третман од навивачите на Барселона кои во една прилика ко гаѓаа и со свинска глава.

– Луѓето во Барселона заборавија една работа, а тоа е дека јас во клубот дојдов на местото на Лаудруп кој тогаш премина во Реал Мадрид. Не се сеќавам дека него го гаѓаа со стаклени шишиња и свинска глава кога се врати на „Камп Ноу“.

– Знаев дека ме чека пекол кога ќе се вратам, но тоа што го сторија навивачите на Барселона беше срамн, -изјави Фиго.

Фиго помина по пет сезони и во Барселона и во Реал Мадрид, а во 2005 потпиша за италијанскиот Интер каде остана до крајот на неговата кариера која заврши во 2009 година.