Ферстапен стави потпис на нов договор со Ред Бул

Макс Ферстапен беше поврзуван со трансфер во редовите на Мерцедес и Ферари, но тој дефинитивно реши да остане пилот на Ред Бул подолг период, односно до 2023 година.

Холанѓанецот е дел од овој тим од 2016 година, кога од Торо Росо се префрли во Ред Бул, по што стана и најмладиот возач во Ф1 историјата кој победил на една трка, а сега се согласи на дополнителни две години во договорот со актуелниот тим.

– Ред Бул веруваше во мене и ми овозможи шанса да дебитирам во Формула 1, за што секогаш ќе бидам благодарен. Сакам да победувам со болид на оваа екипа и нашите амбиции во новата сезона ќе биде да се бориме за титулата, – изјавил Ферстапен.

22-годишниот пилот досега забележа 8 победи и има 31 подиум во Формула 1.