Поврзете се со нас

Светски првенства

Фасцинантен материјал: Видео кое открива како Пујол ја „нацртал“ акцијата за историскиот гол против Германија

Објавено

на

blank

Карлес Пујол цели 15 години беше дел од првиот тим на Барселона и мина незаборавни моменти на клупски план, но истото важи и за репрезентативната кариера во која одбележа успеси кои ја променија историјата на шпанскиот фудбал.

Пујол како лидер во одбрната на „фуријата“ ја освои Европската титула во 2008-ма година, а две години подоцна пристигна уште поголем успех, кога тимот предводен од Висенте Дел Боске ја освои светската титула во Јужна Африка, победувајќи ја Холандија во големото финале.

Пред завршниот дуел на мундијалот, Шпанија во полуфиналето имаше навистина тежок натпревар против Германија, дуел кој го реши токму Карлес Пујол со фантастичен удар со глава за победа од 1:0.

Во документарецот направен од страна на „Амазон Прајм“, а посветен токму на Светското првенство во Јужна Африка, Пујол потенцира дека сите го паметат по тој погодок и покрај тоа што цели 15 години го бранеше својот гол, но навистина фасцинантно е да се види дека Карлес всушност ја „нацртал“ акцијата еден ден претходно.

На видеото е прикажано како Пујол им ја објаснувал акцијата во која Давид Вилја треба да биде во петерецот, а тој, Рамос и Пике да добијат шанса за скок и одлична прилика за погодок.

– Тоа беше акција која ја имавме во Барслеона и му ја искоментирав на Висенте Дел Боске откако анализирав како Германеците бранат корнери. Вилја требаше да биде најблиску до голманот, а јас, Рамос и Пике требаше да се уфрлиме од позадина. Цели 15 години се бранев, но ме паметат по еден гол, – вели Пујол.

Реклама
Реклама
Реклама

Популарни