Еспосито со мајсторија од слободен удар го шокираше грогираниот Милан (Видео)

Милан значително ослабен замина на госутвањето кај „давеникот“ во Серија А, но со новото лошо издание кое го прикажа на теренот, овозможи Специја да се надева на опстанок во последните три кола.

Повредените Бенасер, Леао, Круниќ, Месијас и Флоренци не можеа да му помогнат на тренерот Стефано Пиоли, кој очигледно премногу мислеше и на реваншот со Интер, што на крајот многу негативно се одрази на теренот.

Милан дефинитивно не е ист тим без Рафаел Леао и Исмаел Бенасер во стартната постава, па Специја со завршен налет успеа да профитира и да оствари огромна победа во обидот да се спаси.

Специја постигна два гола и победи со 2:0, а посебно убав беше голот на Еспосито од слободен удар со кој се зададе конечен удар за фаворитот од „Сан Сиро“.

Претходно, Висниевески погоди за 1:0 во 75-та минута, па Специја сега со 30 освоени бода е израмнета со Верона која е прва над зоната за испаѓање во Серија А.