Ернандез со „отровни“ зборови се збогуваше со Милан: Ова е клуб без вредности и амбиција

Францускиот репрезентативец, Тео Ернандез ќе има нов клуб во новата сезона и тоа е Ал Хилал од Саудиска Арабија.

Од 2019 година тој беше дел од Милан, клуб со кој освои Скудето, Супер Купот на Италија, односно одигра 262 натпревари со учинок од 34 гола и 45 асистенции.

Тој на социјалните мрежи се збогуваше, ама во исто време и упати отровни стрели кон актуелната управа на „росонерите“.

-Мојата одлука да заминам не беше лесна. Секогаш знаев каде сакам да останам, а Милан секогаш ми беше приоритет. Но, за жал, не сè зависи од една личност.Насоката што ја презеде клубот и некои неодамнешни одлуки не ги одразуваат вредностите, ниту амбицијата што ме доведоа тука. Ова е момент да се затвори едно поглавје и да се отвори друго, различно, но подеднакво важно за мене.

-Си заминувам со крената глава, бидејќи секогаш давав сè за овој клуб, работејќи со максимален напор и споделувајќи ги истите соништа како и овие навивачи. Си заминувам со полно срце и со надеж дека Милан наскоро ќе може да се врати таму каде што заслужува да биде. Милано секогаш ќе биде дел од мене. Форца Милан секогаш, -порача Тео.

 

View this post on Instagram

 

A post shared by T H E O H E R N Á N D E Z (@theo3hernandez)