Ернандез има јасна идеја за тоа каде се гледа во иднина: Желбата е…

Тео Ернандез треба да биде еден од лидерите на калчолигашот Милан, но левиот бек не е на посакуваното ниво во тековната сезона, па на средбата со Џенова воопшто не доби ниту минута од тренерот Пауло Фонсека.

Јасно е што може Французинот да понуди на теренот, меѓутоа слично како и Рафаел Леао има проблеми со констатноста, постојаноста во играта од натпревар во натпревар што му носи негативни поени и критики во јавноста,

И покрај послабата форма тој е доста ценет на пазарот и повеќе екипи како Манчестер Јунајтед, Реал Мадрид…се заинтересирани за неговите услуги, но желбата на Тео е да остане во Милано и тоа беше уште еднаш посочено преку агентот Мануел Гарсија Киљон.

-Не зборувавме за нов договор туку за фискални прашања. Јасна е волјата  да останеме и да ја продолжиме соработката, тоа го кажавме многу пати, -истакна застапникот на дефанзивецот кој даде краток коментар за тоа што Ернандез остана на клупата за резерви против Џенова.

-Тоа не се одлуки што зависат од него. Тој ги почитува своите соиграчи и кога играчот игра во една улога, другиот не игра. Тоа му се случи и на Леао, мора да го почитуваш изборот на тренерот, -заклучи Мануел Гарсија.

Играчот има договор до 30 јуни 2026 година.