Елмас ќе го носи дресот на „лавовите“ од Ѓорче Петров

Екипата на Македонија Ѓорче Петров ќе биде дел од македонската фудбалска елита во натпреварувачката 2025/2026, а како клуб со историја и традиција сака да има што подобри резултати и да остане во оваа конкуренција и во следната година.

„Лавовите“ почнаа да влечат потези кога се во прашање нови имиња, играчи кои ќе донесе дополнителен квалитет и конкуренција, па откако беше официјализирана соработката со Мартин Талаков и Дарко Глишиќ, скопскиот состав се засили и со талентираниот Мухамед Елмас.

Талаков и Глишиќ станаа „лавови“, Ристиќ потпиша за Пелистер

Мухамед е роднина (братучед) на Елиф, офанзивец кој има 19 години и има настапувано за сите млади селекции на Македонија. Тој во претходната кампања настапуваше за Гостивар, претходно беше дел од Работнички.